«Әмет, Айымхан Шамуратовлар үй музейи»нде әдебий кеше болып өтти

Әмет Шамуратовтың 110жыллық ҳәм Айымхан Шамуратованың 105 жыллық юбилейи мүнәсибети менен Нөкис районы № 10 санлы мектеп жәмәәти ҳәм оқыўшылары менен биргеликте «Әмет, Айымхан Шамуратовлар үй музейи»нде әдебий кеше болып өтти. Дәслеп, Әмет Шамуратов ҳәм Айымхан Шамуратовалардың дөретўшилиги ҳәм өмир жолы менен таныстырыў мақсетинде оқыўшыларға үй музей хызметкерлери тәрепинен экскурсия шөлкемлестирилди. Кеше даўамында оқыўшылар Әмет Шамуратовтың қосықларын оқып, Айымхан Шамуратованың атқарған қосықларын, сахналық көринислерин қойып берди.